ជំនន់លិចច្រាំង ..ទឹកហូរកួចខ្លាំង
លាងសម្អុយចាស់ ..ដូចចិត្តរាស្ត្រខ្មែរ
មិនប្រែក្រឡាស់ ..ប្រផ្នូលប្រាប់ច្បាស់
ក្រឡាស់មិនបាន។
លាងសម្អុយចាស់ ..ដូចចិត្តរាស្ត្រខ្មែរ
មិនប្រែក្រឡាស់ ..ប្រផ្នូលប្រាប់ច្បាស់
ក្រឡាស់មិនបាន។
ជំនន់ចិត្តខ្មែរ ..ប្ដេជ្ញាទារប្រែ
សង្គ្រោះឲ្យបាន ..ទើបស្រុករួចភ័យ
ផុតក្ស័យប្រែថ្កាន ..នគរក្សេមក្សាន្ត
រាស្ត្របានសេរី។
សង្គ្រោះឲ្យបាន ..ទើបស្រុករួចភ័យ
ផុតក្ស័យប្រែថ្កាន ..នគរក្សេមក្សាន្ត
រាស្ត្របានសេរី។
ជំនន់ន័យត្រង់ ..ប្រាប់អ្នកតួអង្គ
ឃុបឃិតកាប់ព្រៃ ..លង់ទឹកដុល្លារ
លិចលេបយកដី ..ឲ្យរាស្ត្រប្រុសស្រី
លង់លិចជីវិត។
ឃុបឃិតកាប់ព្រៃ ..លង់ទឹកដុល្លារ
លិចលេបយកដី ..ឲ្យរាស្ត្រប្រុសស្រី
លង់លិចជីវិត។
ជំនន់ពុកផុយ ..រលួយសម្អុយ
រាស្ត្ររងទុក្ខពិត ..ទ្រព្យជាតិលក់ខ្ទេច
លក់ជាតិលែងគិត ..ជាតិលស់ជីវិត
ខ្មែរគិតយ៉ាងណា។
រាស្ត្ររងទុក្ខពិត ..ទ្រព្យជាតិលក់ខ្ទេច
លក់ជាតិលែងគិត ..ជាតិលស់ជីវិត
ខ្មែរគិតយ៉ាងណា។
រួមគ្នាសង្គ្រោះ ..ទើបជាតិខ្មែររស់
រួចផុតមរណា ..រៀបសង្គមថ្មី
សេរីថ្លៃថ្លា ..ផុតពីមាត់ខ្លា
អំណាចសាមាន្យ៕
រួចផុតមរណា ..រៀបសង្គមថ្មី
សេរីថ្លៃថ្លា ..ផុតពីមាត់ខ្លា
អំណាចសាមាន្យ៕
No comments:
Post a Comment