249. Poem #rbu_កោះពេជ្រស្នេហ៍កម្ម

ការអានមានប្រយោជន៍ Reading Benefits You ១. កោះពេជ្រស្នេហ៍កម្ម ផ្ដាំរឿងសោកា ប្រវត្តិស្នេហាចារលើ គំនរសាកសព អូនលាបងទៅ ស្រែកហៅ ទាំងដង្ហើមថប់ កោះពេជ្របញ្ចប់ស្នេហ៍យើងយ៉ាងសែនទារុណ ២. ចំណារស្នេហ៍កម្ម ចាំរឿងឈឺចាប់ មនុស្សគរដេកស្លាប់រាប់រយ ដង្ហោយហៅគុណ រលាយអស់ហើយ សង្ឃឹមយើងមានពីមុន ចិត្តល្មោភនាយទុន ផ្ដាច់ជន្មជីវិតឥតក្រែង។ បន្ទរ. ម្ភៃពីរវិច្ឆិកា ឆ្នាំពីរពាន់ដប់ ស្នេហ៍យើងត្រូវចប់ បងស្អប់ជីវិតខ្លួនឯង (និយាយ៖ ស្ពានកោះពេជ្រជាឃាតករប្លន់យក៍ព្រលឹងអូនទៅ ទុក្ខឲ្យបងនៅឯកាចំបែង) អស់ពាក្យនឹងថ្លែង ទឹកភ្នែកហូរឯង បេះដូងហួតហែងខ្ទាំខ្ទេច។ ៣. ខុសពីរឿងគេ គេព្រាត់ក្បត់គ្នា ស្នេហ៍ខ្ញុំវេរា យើងព្រាត់ព្រោះស្ពានកោះពេជ្រ អំណាចដុល្លារ ប្រហារជីវិតពន្លិច បងចាំមិនភ្លេច អូនអើយកោះពេជ្រឃាតករ៕ និពន្ធថ្ងៃទី November 3, 2013 (ព្រឹត្តិការណ៍កើតនៅ ថ្ងៃទី២២ ខែវិច្ឆិកា ឆ្នាំ២០១០) © rbu – SPP Sao Puthpong សៅរ៍ ពុធពង្ស Image may contain: 1 person , sky and outdoor VodHotNews.com