KEF PO Files: June 2016

Saturday, June 25, 2016

6. Poem #rbu_តាម៉ូតូឌុប

១. ប្រឹងត្រដររស់ ព្រោះស្រេកឃ្លាន
យកវត្តជាស្ពាន ចុងជីវិត
រត់ម៉ូតូឌុប ចង់រស់ពិត
ទ័លផ្លូវគំនិត ដឹងធ្វើអ្វី(?)

២. អាយុជិតប៉ែត អត់អ្នកជិះ
គិតប្រឹងរេរិះ រកផ្លូវថ្មី
គិតមិនលេចសោះ ទោះប្រឹងក្ដី
សុំបាយលោកឆី រំលស់ឃ្លាន។

៣. ឱ ព្រះកាលអើយ ឥតមេត្តា
ឲ្យតាខ្លោចផ្សា ដូចសុំទាន
ឥតមានអ្នកជួយ ព្រួយព្រោះគ្មាន
ពោះចេះតែឃ្លាន ទារចំណី។

៤. កម្សត់ខ្លួនណាស់ សូមព្រះជួយ
ទីពឹងខ្លួនមួយ រស់ក្រក្រី
កុំឲ្យទីទ័ល ខ្វះអ្វីៗ
សូមឲ្យជាតិថ្មី លែងក្រីក្រ។

៥. ជាតិថ្មីនឹងល្អ ក៏លុះតែ
មេដឹកនាំខ្មែរ ដើរផ្លូវល្អ
គិតជាតិជួយរាស្ត្រ ចិត្តស្មោះសរ
ជួយរាស្ត្រក្រីក្រ មុនជួយឈ្មួញ

5. Poem ‪#‎rbu_813_ទំនួញដង្កោ

25 June 2015 at 22:35

១. ដង្កោ ដើមដុះ នៅក្នុងព្រៃ
គង់គាប់ហឫទ័យ នៅពេលឃ្លាន
ទោះចត់មែនពិត ក៏ជាទាន
សម្រន់គម្លាន បានមួយគ្រា។

២. បើដាំបង្កាត់ កែរសជាតិ
មុខតែប្រែឃ្លាត ប្ដូររសវា
បាត់ចត់ប្រែផ្អែម មិនចាញ់គ្នា
ទន្លាប់ នៅនា ចម្ការឡើយ។

៣. ទន្លាប់ ក៏ចត់ ទុំមិនជោរ
អ្នកហូបគង់ថ្ងូរ "ទន្លាប់អើយ
រូូបល្អចត់ម្ល៉េះ ឱ តែណ្ហើយ
មិនគួរត្អូញឡើយ រលោងស្រស់"។

៤. ប្រដូចបាននឹង សុដន់ស្រី
កែវតរុណី ពេញសម្រស់
ទាក់ភ្នែកទាក់ចិត្ត ពួកកំលោះ
ឲ្យគិតផ្ដងផ្ដោះ ជាគូគាប់។

៥. ដង្កោ ទន្លាប់ ជាមិត្តគ្នា
កាលនៅមុនគ្រា ដើមទន្លាប់
មនុស្សយកមកដាំ ថែទាំជាប់
មានភព្វជាទ្រព្យ ក្នុងចម្ការ។

៦. ដង្កោ នៅព្រៃ សន្ធៃនឹក
ព្រួយនឹងសន្ធឹក ផ្លែរណា
រំពងញ័រព្រៃ ខ្លាចសង្ខារ
ពូជផុតមរណា ពេលព្រៃអស់។

៧. មើលចុះពាយព្រៃ ត្រងោលភ្នំ
សំឡេងសត្វយំ ទួញស្រណោះ
ដីក៏ឡើងក្ដៅ ស្មៅងាប់អស់
ដង្កោយំខ្សោះ អស់ទឹកភ្នែក។

រក្សាសិទ្ធិ copyright rbu_spp Thursday June 25, 2015 Sao Puthpong Sao.

4. Poem ‪#‎rbu_812_រឹងរូស‬

១. "រឹងរូស"មានពីរ គួររិះគិត
ត្រូវតែពិនិត្យ មុនប្រកាន់
មានត្រូវមានខុស តាមជាក់ស្បាន់
វាមានលក្ខខណ្ឌ ត្រូវថ្លឹងថ្លែង។

២. "រឹងរូសមានះ" គេច្រើនយល់
ថាជាអំពល់ អាក្រក់ឯង
ពុំគួរចូលចិត្ត គិតថាក្រែង
នាំរឿងចំបែង ខុសខូចខាត។

៣. ត្រង់នេះគួរគិត ថែមបន្តិច
"រឹងរូស"យ៉ាងម៉េច កុំប្រមាទ
"មានះ"ផ្លូវត្រូវ ធ្វើដោយឆ្លាត
បើខុសខូចខាត ត្រូវចៀសវាង។

៤. បើច្បាស់ជាក់ហើយ ថាត្រឹមត្រូវ
"រឹងរូស"ជាផ្លូវ ប្រសើរជាង
ត្រូវដើរផ្លូវហ្នឹង កុំព្រាលព្រាង
កុំឲ្យឃ្លាតឃ្វាង ប្រយោជន៍ឡើយ។

រក្សាសិទ្ធិ copyright rbu_spp 7:21 pm Thursday June 25, 2015 SaoPuthpong Sao

Chrysentheme

3. Poem #រំឭកសំណោក_ទុំ នៅតាមផ្លូវ

25 June 2015 at 14:34

រំឭកសំណោក ទុំ នៅតាមផ្លូវ ពីខេត្តត្បូងឃ្មុំ ត្រឡប់ទៅខេត្តបាភ្នំ។
ឃើញផ្លែទន្លាប់ នឹកឃើញ ទុំ រៀបរាប់តាមផ្លូវឃ្លាតបែកពី ទាវ៖

មកយល់វាលវែង ត្រែងដួចដុះ
ផ្កាសត្រសុស ផ្លេកភ្លឺថ្លា
ដូចពណ៌សំបុរ នួនកន្និដ្ឋា
យល់ផ្កាត្រែងត្រស់ ស្រណោះពេក។
មៀងមើលទឹកជ្រៅ ស្មៅត្រកៀត
ទ្រូងបងចង្អៀត រឹងវិវេគ
ត្រកួនដូចខ្លួនបងឈប់ដេក
ឈប់ដោយម្លប់មែក ត្របែកព្រៃ។
...
ឱដើមទន្លាប់ ទន់លា-មក
ដើមធ្ល្លក ទុំ សោក សព្វតាមផ្លូវ
ដើមថ្ងាន់បានថ្ងប ដល់ឥឡូវ
ប្រាស ទាវ ឲ្យនៅ តែម្នាក់ឯង។
ឱក្លិនផ្កាអ្វី អីដល់ម្ល៉េះ
ក្រអូបផ្កាម្លិះ ឬផ្កាស្លែង
អប់នៅផាហ៊ុម ទាវ តុបតែង
ដាក់នៅកន្សែង ចំបែងបង់។

ណេន ទុំ ទៅកុហកម្ដាយទទូចទារសឹក ក្រោយពីវិលត្រឡប់ពីជួបរួមមេត្រីជាមួយ ទាវ៖

នេន ទុំ យំយែក ទឹកភ្នែកស្រក់
គិតភូតកុហក ថាមិនក្សាន្ត
កុហកថាញោម ឆាន់មិនបាន
"អាចក្ដី"(អាត្មា)ប្រមាណ ប្រាណមិនស្រួល។
ឆៀបឈឺក្នុងពោះ លោះថ្ងៃតិច
ដូចគេខ្វារក្ដិច ស្មានដូចមួល
ដូចម៉ូត្រសំបោរ ក្ដៅខ្មាញ់ខ្មួល
រំជួលព្រឺព្រួច រួចខានសឹង។
នឹងធ្មេចមិនលក់ ទេញោមអើយ
ពូកកែបខ្នល់ខ្នើយ ដេកស្ដូកស្ដឹង
ប្រះប្រាណលើខ្នើយ ជម្លើយរឹង
ដូចខឹងខំអត់ សង្កត់ទុក្ខ។

នេន ទុំ ទៅត្អូញត្អែរសូមចៅអធិការសឹក។ លោកតាមិនអនុញ្ញាត លើកហេតុផលថា៖

អញវាយលេខលព្វ គ្រប់ជើងហា
លេខឆ្លើយឡើងថា អាកុំពារ
កុំពុះទម្លុះ ក្រែងវេទនា
(*ក្រែងគាប់ជួនជា ដល់មរណំ។
នេនឯងត្រូវគិត គំនិតជ្រៅ
បួសសុខម្នៅៗ ទៅលក៉់តាំង
ជួញតោកដូរចិត្ត ខ្លួនក៏សាំង
អញដាច់អហំ ឯងចង់ស្រី។)
...
ខាងខេត្តត្បូងឃ្មុំក្រមុំច្រើន
សៀបស្រស់ស្រវើនក្មេងលីវខ្ចី
ឥឡូវចចើងចង់បានប្ដី
ហេតុហ្នឹងអាចក្ដីយល់ពុំគាប់។
...
កំណត់៖ ឃ្លាល្បះឃ្លោងកាព្យនៅក្នុង(*...)ជាផ្នែកខ្ញុំតែងបំពេញភ្ជាប់ទេ ពុំមែនជាពាក្យឃ្លាកាព្យដើមរបស់ ព្រះបទុមត្ថេរសោម ដែលខ្ញុំភ្លេចស្នាដៃលោក រយៈពេល៤៤ឆ្នាំកន្លងទៅនេះ ឡើយ។)

Puthpong Sao shared Sophy Mey's post.

2. Poem. O, ‪#‎ITALY‬ ! and 'Tis Bryan Ruiz

25 June 2014

O, ‪#‎ITALY‬ ! and 'Tis Bryan Ruiz

Ruiz, it’s Bryan Ruiz who’s made Costa Rica’s cheers,
To have won over the giant Roman warriors,
With his golden goal, he’s been hailed ‘Hero’
To help his little nation stay in Sao Paulo.

What a very good header to make the golden,
At 44, its victory was counted then.
Though Italy tried the hardest of its hardest,
Making several good but failed attempts of its best.

O, ITALY !

O Italy, one of my few favorites.
Why have you lost so many lots of bits?
As your actions depict well your fiascos,
The poorer defense, your defeat follows.
And your past faults themselves seem to repeat.
That’s, you have known defeat after defeat.

And your nightmares come to haunt you again,
As in South Africa in 20-10.

Balotelli, whilst seeing you squatting,
I recall the event with the same thing.
When Little Buddha Roberto Baggio,
Whom Italy loved most shot at rainbow,
Hoping to make it the ‘9-4 World Cup,
When you drank bitter shame, not syrup.

Imagine your World Cup in Germany,
Cheers were shouted and all happy.

And the lost games can never be replayed,
Though kids always wish for those lost games paid.
And how can we share what to redress you?
Just soothe yourselves and cry tearfully through.
How disappointed you and your fans are!
What’ll you do to heal your pains without scar?

Maybe, your old underdogs are to leave.
‘Coz your old magic turns worthless to weave.

1. Poem I Love Cambodia Hot News II's photo.

25 June 2015 at 23:18

៥. ជាតិថ្មីនឹងល្អ ក៏លុះតែ
មេដឹកនាំខ្មែរ ដើរផ្លូវល្អ
គិតជាតិជួយរាស្ត្រ ចិត្តស្មោះសរ
ជួយរាស្ត្រក្រីក្រ មុនជួយឈ្មួញ ។